Արցախի ԱԺ-ն Ադրբեջանի վերահսկողության տակ հայտնված Արցախի տարածքների կարգավիճակի մասին հայտարարություն է պատրաստել - RadioVan.fm

Онлайн

Արցախի ԱԺ-ն Ադրբեջանի վերահսկողության տակ հայտնված Արցախի տարածքների կարգավիճակի մասին հայտարարություն է պատրաստել

2021-02-23 17:24 , Политика, 212

Արցախի ԱԺ-ն Ադրբեջանի վերահսկողության տակ հայտնված Արցախի տարածքների կարգավիճակի մասին հայտարարություն է պատրաստել

Արցախի Հանրապետության Ազգային ժողովի (ԱՀ ԱԺ) արտաքին հարաբերությունների մշտական հանձնաժողովն այսօր հրավիրել է նիստ՝ օրակարգում ունենալով «Ադրբեջանի վերահսկողության տակ հայտնված Արցախի Հանրապետության տարածքների իրավական կարգավիճակի մասին» ԱՀ Ազգային ժողովի հայտարարության տեքստի նախագծի մասին հարցը:

Արցախի խորհրդարանի պաշտոնական կայքից տեղեկանում ենք, որ նախագծի հեղինակ, հիմնական զեկուցող ԱԺ արտաքին հարաբերությունների մշտական հանձնաժողովի պատգամավոր, «Արցախի ժողովրդավարական կուսակցություն» խմբակցության ղեկավար Դավիթ Մելքումյանը ներկայացրել է հայտարարության տեքստը, որից հետո պատգամավորներն առաջարկել են տեքստում կատարել որոշակի խմբագրում։

Հեղինակն ընդունել է առաջարկը, Հանձնաժողովը միաձայն դրական եզրակացությամբ կողմ է քվեարկել ներկայացված հայտարարության նախագծին, որը կքննարկվի առաջիկա լիագումար նիստում:

Նշվում է, որ նիստին ներկա են եղել ԱԺ նախագահը, փոխնախագահը և պատգամավորներ:

Лента

Рекомендуем посмотреть