Онлайн
Փետրվարի 1-ին իրականացված որոնողական աշխատանքների արդյունքում Արցախի փրկարարական ջոկատները Վարանդայի (Ֆիզուլի) ուղղությունից հայտնաբերել են ևս 9 զոհված զինծառայողի աճյուն:
Արցախի ներքին գործերի նախարարության Արտակարգ իրավիճակների պետական ծառայության հաղորդմամբ՝ նախնական տվյալներով նրանք զինծառայողներ են (ռազմագործողություններին մասնակցած կամավորներ կամ պահեստազորայիններ):
Վերջիններիս ինքնությունը պարզելու համար նշանակվել է դատաբժշկական փորձաքննություն:
Ընդհանուր առմամբ, 2020 թվականի նոյեմբերի 13-ից 2021 թվականի փետրվարի 1-ը ներառյալ հայտնաբերվել է ընդհանուր 1354 աճյուն:
Որոնումներն այսօր իրականացվում են Հադրութի շրջանում:
