Онлайн
Այսօր կայացել է «Հայրենիքի փրկության շարժման» ներկայացուցիչներ Վազգեն Մանուկյանի, Իշխան Սաղաթելյանի և Արթուր Վանեցյանի հանդիպումը ՀՀ արտաքին գործերի նախարար Արա Այվազյանի հետ:
Շարժման ֆեյսբուքյան գրառումից տեղեկանում ենք, որ արտգործնախարարի հետ շուրջ մեկուկես ժամ տևած հանդիպումից հետո Վազգեն Մանուկյանը հայտնել է , որ հանդիպման ընթացքում նախարարին ներկայացրել են իրենց մտահոգությունները, լսել որոշ բացատրություններ այդ մտահոգությունների վերաբերյալ:
Հանդիպման մասին Մանուկյանն այլ մանրամասներ չի ներկայացրել՝ նշելով, որ նախատեսված է հանդիպում նաև ՀՀ ԶՈւ ԳՇ պետ Օնիկ Գասպարյանի հետ, որից հետո արդյունքները կամփոփեն և հանդես կգան հայտարարությամբ:
Ավելի վաղ հայտնել էինք, որ ՀՀ վարչապետի հրաժարականը պահանջող «Հայրենիքի փրկության շարժման» վարչապետի թեկնածու Վազգեն Մանուկյանը հունվարի 11-ին նախատեսված Նիկոլ Փաշինյան-Իլհամ Ալիև հանդիպման հետ կապված բազմաթիվ մտահոգություններից ելնելով ՀՀ արտգործնախարարից, Ազգային անվտանգության ծառայության (ԱԱԾ) տնօրենից և Զինված ուժերի գլխավոր շտաբի (ԶՈւ ԳՇ) պետից պահանջում է հանդիպում ու ստեղծված իրավիճակի վերաբերյալ պարզաբանում:
