Онлайн
Սյունիքի մարզպետարանը հաղորդագրություն է տարածել, որում ասված է.
«Համացանցում տարածվող «Կապանցիներն այրում են իրենց տները» վերտառությամբ տեսանյութի կապակցությամբ հայտնում ենք, որ տեսանյութում երևացող շինությունը Կապան համայնքի վարչական տարածքում չի գտնվում։ Կոչ ենք անում չտարածել խուճապ առաջացնող տեղեկատվություն»։
Նշենք՝ Կապանում տները վառելու մասին այսօր ֆեյսբուքյան իր էջում գրառում էր կատարել նաև Ազգային ժողովի «Լուսավոր Հայաստան» խմբակցության անդամ Անի Սամսոնյանը, ով այնուհետ հեռացրեց հրապարակումը։ Նա հրապարակելով լուսանկար՝ գրել էր․
«Ծուխը տեսնու՞մ եք բլրի տակ: Կապանում մարդիկ իրենց տունն են վառում: Իսկ այդ բլուրների վրա կնստեն ադրբեջանցիները ու քաղաքը կառնեն իրենց ափի մեջ»։
