Онлайн
Մեծ Շենը և Հին Շենը ոչ թե Հադրութի, այլ Շուշիի շրջանում են` ՀՀ արտաքին գործերի նախարարությանն (ԱԳՆ) ուղղում է «Հետք» պարբերականի գլխավոր խմբագիր Էդիկ Բաղդասարյանը:
«Արտաքին գործերի նախարարությունը հայտարարություն է տարածում հայտնելով, որ Ադրբեջանական ուժերը սադրիչ գործողությունները շարունակել են նաև այսօր՝ Հադրութի շրջանի Մեծ Շեն և Հին Շեն բնակավայրերի ուղղությամբ:
Էդ գյուղերը Շուշիի շրջանում են: Խաղաղապահների հետ խոսելուց գոնե իմացեք ինչը որտեղ է»,-գրել է Բաղդասարյանը:
Այսօր ավելի վաղ հայտնել էինք, որ ՀՀ ԱԳՆ-ն ադրբեջանի կողմից զինված հարձակման վերսկսումը դատապարտող հաղորդագրություն է տարածել, որում նշել է, թե «սադրիչ գործողությունները շարունակվել են այսօր՝ Հադրութի Մեծ ու Հին Շեների ուղղությամբ»:
Այս պահին, սակայն, ՀՀ արտաքին քաղաքական գերատեսչությունը պաշտոնական հաղորդագրությունը խմբագրել է՝ տեքստից հանելով «Հադրութի շրջան» բառակապակցությունը:
