Դեկտեմբերի 11-14-ը ՌԴ ԱԻՆ-ը Արցախ կուղարկի 1200 տոննա հումանիտար օգնություն - RadioVan.fm

Онлайн

Դեկտեմբերի 11-14-ը ՌԴ ԱԻՆ-ը Արցախ կուղարկի 1200 տոննա հումանիտար օգնություն

2020-12-12 20:33 , Политика, 203

Դեկտեմբերի 11-14-ը ՌԴ ԱԻՆ-ը Արցախ կուղարկի 1200 տոննա հումանիտար օգնություն

Դեկտեմբերի 11-14-ը Ռուսաստանի Դաշնության արտակարգ իրավիճակների նախարարությունը (ՌԴ ԱԻՆ) Լեռնային Ղարաբաղ կուղարկի 54 վագոն հումանիտար օգնություն: Տեղափոխումը կիրականացվի ՌԴ 8 քաղաքներից:

Դեկտեմբերի 11-ին Տիխորեցկից ու Ուլյանովսկից ուղևորվել է 4 վագոն, դեկտեմբերի 12-ին տեղափոխումը կիրականացվի Մոսկվայից, Իվանովոյից ու Ուֆայից:

Բեռներում շինանյութեր են, էլեկտրակայաններ, հրշեջ մեքենաների համար նախատեսված տարաներ և կենցաղային պարագաներ, ընդհանուր առմամբ՝ 1200 տոննա:

«Հումանիտար օգնության առաջին խմբաքանակների առաքումն իրականացվել է անհապաղ՝ Ռուսաստանի արտակարգ իրավիճակների նախարարության ավիացիոն և ավտոմոբիլային տրանսպորտով, որպեսզի հնարավոր լինի մինչև սառնամանիքները վերականգնել ավերված տները»,-տեղեկանում ենք ՌԴ ԱԻՆ-ի պաշտոնական կայքից:

Հումանիտար օգնության տեղափոխումն իրականացվում է համաձայն ՌԴ նախագահի և կառավարության հանձնարարականների:

Лента

Рекомендуем посмотреть