Онлайн
Հայաստանի առաջին նախագահ, Հայ ազգային կոնգրեսի (ՀԱԿ) ղեկավար Լևոն Տեր-Պետրոսյանը անիմաստ է համարում անդրադառնալ ՀՀ վարչապետ Նիկոլ Փաշինյանի ֆեյսբուքյան հրապարակումներին։ Այդ մասին ՀԱԿ խոսնակ Արման Մուսինյանը։
Նշենք՝ Նիկոլ Փաշինյանն այսօր ֆեյսբուքյան իր էջում գրառում է կատարել նախկին նախագահներ Տեր-Պետրոսյանի և Ռոբերտ Քոչարյանի հոկտեմբերին Մոսկվա մեկնելու հարցի մասին՝ նշելով, որ Արցախի երկրորդ և երրորդ նախագահներ Արկադի Ղուկասյանի ու Բակո Սահակյանի փոխանցմամբ՝ Հայաստանի պաշտոնաթող նախագահները Լևոն Տեր-Պետրոսյանը և Ռոբերտ Քոչարյանը ուզում են մեկնեն Մոսկվա, այնտեղ բարձր մակարդակի հանդիպումներ ունենան, ինչին ինքը դրական է արտահայտվել, նույնիսկ ասել, որ պետական ինքնաթիռը կտրամադրի մեկնման համար, սակայն վերջիններն այդպես էլ չմեկնեցին:
Արման Մուսինյանն, ահա, գրում է.
«Լևոն Տեր-Պետրոսյանի կողմից Նիկոլ Փաշինյանի ֆեյսբուքյան հրապարակումները մեկնաբանելու` լրագրողների հարցումներին ի պատասխան, հայտնում եմ.
Նախագահ Տեր-Պետրոսյանը անիմաստ է համարում անդրադառնալ ազգակործան պատուհասի հոգեկան տվայտանքներին: Ինչ ուզում է` թող դուրս տա: Միևնույն է` նա արդարանալու ոչ մի ճար չունի: Հայ ժողովուրդը նրան երբեք չի ներելու»:
