ԵԱՀԿ Մինսկի խմբի համանախագահող երկիր Ֆրանսիան, ի գիտություն ընդունելով պատերազմի ավարտի վերաբերյալ Պուտին-Ալիև-Փաշինյան եռակողմ հայտարարությունը և ուսումնասիրելով դրա պայմաններն ու հետևանքները, Լեռնային Ղարաբաղի (ԼՂ) ապագա կարգավիճակի սահմանման անհրաժեշտություն է տեսնում:
«Հակամարտության տևական կարգավորման շուրջ կողմերի միջև բանակցությունների վերսկսումը հայտարարված հրադադարից հետո մնում է անհրաժեշտ: Որպես ԵԱՀԿ Մինսկի խմբի համանախագահ՝ Ֆրանսիան այս ջանքերի ակտիվ մասնակիցը կլինի: Երկու կողմերի միջև քննարկումները պետք է վերսկսվեն անհապաղ: Դրանք պետք է թույլ տան վերադարձնել վերջին շաբաթների ընթացքում հակամարտության հետևանքով տեղահանված մարդկանց և սահմանել Լեռնային Ղարաբաղի ապագա կարգավիճակը»,-ասել է Ֆրանսիայի արտաքին գործերի նախարար Ժան-Իվ Լը Դրիանը: