Թշնամական հեռահար հրթիռների թիրախում Ստեփանակերտի բնակելի թաղամասերն են

Ադրբեջանաթուրքական ուժերը շարունակում են պատերազմական հանցագործությունները, մասնավորապես, կրակի տակ պահելով Արցախի խաղաղ բնակավայրերն ու բնակչությանը։

Այդ մասին հայնում են Արցախի արտակարգ իրավիճակների պետական ծառայությունից (ԱԻՊԾ)՝ նշելով, որ Ստեփանակերտը հրթիռակոծվում է հեռահար հրթիռներով, թիրախակետում բազմաբնակարան շենքերն են, բնակելի թաղամասերը, հանրային ու տնտեսական նշանակության օբյեկտները։

«Այս տարածքներում ռազմական որևէ օբյեկտ չկա»,-շեշտում են գերատեսչությունից։

Այսօր ավելի վաղ էլ Արցախի ԱԻՊԾ-ն հայտնել էր, որ թշնամին կեսգիշերից հետո կասետային հեռահար մի քանի հրթիռ է արձակել Ստեփանակերտի ուղղությամբ, վնասել քաղաքացիական ենթակառուցվածքները։