Онлайн
Իտալիայի Լացիո մարզի Կարբոնյանո համայնքի խորհուրդը ճանաչել է Արցախի Հանրապետության անկախությունը։
Այդ մասին հայտնում է Իտալիայում ՀՀ դեսպանությունը։
«Շնորհակալություն, Կարբոնյանո, համերաշխության և համընդհանուր արժեքների պաշտպանության համար»,-ասված է դեսպանության ֆեյսբուքյան գրառման մեջ։
Մեկ այլ հաղորդագրությամբ տեղեկացվում է, որ Կամպոբասսոյի քաղաքային խորհուրդը դատապարտել է Ադրբեջանի ռազմաքաղաքական գործողությունները Արցախի Հանրապետության դեմ։
«Շնորհակալ ենք հայ ժողովրդին համերաշխություն արտահայտելու համար»,-նշում են դեսպանությունից։
Այսօր ավելի վաղ հայտնել էինք, որ Իտալիայի առաջին՝ Լոմբարդիա տարածաշրջանը ճանաչել է Արցախի Հանրապետության անկախությունը։
