Հայաստանի վարչապետը նախազգուշացնում էր Եվրոպային. Եվրախորհրդարանականը՝ Վիեննայի ահաբեկչության մասին

«Հայաստանի վարչապետը մի քանի օր առաջ նախազգուշացնում էր Եվրոպային․ Էրդողանին չդիմակայելու դեպքում՝ թուրքերին կգտնեք Վիեննայի դարպասների մոտ:

Նույնիսկ ոչ դարպասների մոտ, այն, ինչ այսօր կատարվեց, Վիեննայի կենտրոնում էր»,-twitter-ում գրել է Եվրախորհրդարանի Իտալիան ներկայացնող պատգամավոր Մարկո Դրեոստոն՝ անդրադառնալով Վիեննայի կենտրոնում երեկ տեղի ունեցած ահաբեկչական հարձակմանը։

«Ոչ մի հանդուրժողականություն: Եվրոպան արթուն է»,-հավելել է նա։

Il Premier armeno avvertiva l’Europa qualche giorno fa: “Se non affrontate Erdogan, vi ritroverete i turchi alla porte di #Vienna”.

Neanche alle porte, quello che è successo oggi è stato effettuato nel CENTRO di Vienna.

Nessuna tolleranza. L’Europa si svegli!
— Marco Dreosto (@MarcoDreosto) November 2, 2020

Հիշեցնենք՝ ՀՀ վարչապետ Նիկոլ Փաշինյանը ղարաբաղա-ադրբեջանական սահմանագոտում իրավիճակի և Ադրբեջանի սանձազերծած ռազմական գործողությունների վերաբերյալ գերմանական «ԲԻԼԴ» պարբերականին տված հարցազրույցում ասել էր․

«Եթե միջազգային հանրությունը ճշգրիտ չգնահատի այս իրավիճակի աշխարհաքաղաքական նշանակությունը, ուրեմն Եվրոպան պետք է Թուրքիային սպասի Վիեննայի մերձակայքում»։