Онлайн
«Իրանի երկու հարևան երկրների պատերազմը դառը խնդիր է, որը պետք է արագ ավարտվի»,-այդ մասին այսօր Մուհամեդ մարգարեի տարեդարձի առթիվ իր հեռուստատեսային ելույթում անդրադառնալով Լեռնային Ղարաբաղի շարունակվող հակամարտությանը՝ ասել է Իսլամական հեղափոխության գերագույն առաջնորդ այաթոլլա Ալի Խամենեին։
Irna գործակալության հաղորդմամբ՝ Իրանի հոգևոր առաջնորդը միաժամանակ շեշտել է, որ «Ադրբեջանին պատկանող տարածքները պետք է ազատագրվեն, ինչպես նաև պետք է երաշխավորվի Հայաստանի քաղաքացիների անվտանգությունը»:
«Միջազգային սահմանները պետք է հարգվեն, և ահաբեկիչները երբեք չպետք է մտածեն Իրանի սահմաններին մոտենալու մասին»,-ասել է Խամենեին՝ զգուշացնելով, որ հակառակ դեպքում՝ Թեհրանը վճռական պատասխան կտա:
