Անմեղ մարդկանց դեմ այս հրեշավոր հարձակումները պետք է դադարեցվեն․ Թրամփը՝ Վիեննայի ահաբեկչության մասին

Ամերիկայի Միացյալ Նահանգների (ԱՄՆ) նախագահ Դոնալդ Թրամփն անդրադառնալով Վիեննայում տեղի ունեցած ահաբեկչությանը՝ քաղաքի կենտրոնում կրակոցներին ու սինագոգի վրա հարձակմանը, Twitter-ում գրել է․

«Մեր աղոթքները Վիեննայի ժողովրդի հետ են Եվրոպայում հերթական նողկալի ահաբեկչական գործողությունից հետո: Անմեղ մարդկանց դեմ այս հրեշավոր հարձակումները պետք է դադարեցվեն: ԱՄՆ-ը կանգնած է Ավստրիայի, Ֆրանսիայի և ամբողջ Եվրոպայի կողքին ահաբեկիչների, այդ թվում՝ արմատական իսլամիստների դեմ պայքարում»։

Our prayers are with the people of Vienna after yet another vile act of terrorism in Europe. These evil attacks against innocent people must stop. The U.S. stands with Austria, France, and all of Europe in the fight against terrorists, including radical Islamic terrorists.
— Donald J. Trump (@realDonaldTrump) November 3, 2020

Հիշեցնենք՝ երեկ Վիեննայի կենտրոնում անհայտ անձանց խումբը կրակոցներ է արձակել, հարձակման օբյեկտներից մեկը եղել է սինագոգը։ Ավստրիայի կանցլեր Սեբաստիան Կուրցը տեղի ունեցածը, որի հետևանքով 7 մարդ է զոհվել, ահաբեկչություն է որակել։

«Ռիա նովոստին» գործակալության հաղորդմամբ՝ ջիհադիստները հայտարարել են Վիեննայում հարձակմանը մասնակցություն ունենալու մասին։ Նշվում է, որ միջադեպը դարձել է «հատուցման մի մասը» Ավստրիայի`«Իսլամական պետություն» ահաբեկչական խմբավորման դեմ պայքարում ԱՄՆ ղեկավարած կոալիցիային մասնակցելու համար: