Ադրբեջանն ու Թուրքիան կդատվեն ռազմական հանցագործությունների համար. Թանկյան

«Նույնիսկ Ժնևում ԵԱՀԿ Մինսկի խմբի համանախագահների հետ հանդիպման ժամանակ քաղաքացիական բնակավայրերը չհրթիռակոծելու համաձայնությունից հետո Ադրբեջանը կրկին չպահպանեց իր արտաքին գործերի նախարարի խոստումը և մի քանի ժամ անց գնդակոծեց քաղաքացիական օբյեկտները։

Ադրբեջանն ու Թուրքիան կդատվեն ռազմական հանցագործությունների համար»,-այդ մասին twitter-ում գրել է ամերիկահայ հայտնի ռոք երաժիշտ, System Of a Down խմբի մեներգիչ Սերժ Թանկյանը։

Even after agreeing not to shell civilian areas at the @OSCE Minsk group meeting yesterday in Geneva, Azerbaijan yet again broke its own foreign minister’s promise and shelled civilian areas a few hours after. Azerbaijan and Turkey will be judged for war crimes https://t.co/EEBDVISw4V
— Serj Tankian (@serjtankian) October 31, 2020

Նշենք՝ Ադրբեջանի նախագահ Իլհամ Ալիևին Հաագայի դատարանի առաջ կանգնեցնելու նախաձեռնություն է սկսել լեհ քաղաքական գործիչ Թոմաշ Լեխ Բուչեկը (Tomasz Lech Buczek)․ change.org կայքում «Մարդկության դեմ գործած հանցագործությունների համար Ադրբեջանին կանգնեցնել միջազգային տրիբունալի առաջ» պահանջով ստորագրահավաք է սկսվել: Քաղաքական գործչի խոսքով՝ անհրաժեշտ է 250 հազար ստորագրություն հայցը Հաագայի դատարան ներկայացնելու համար:

Լեհ քաղաքական գործիչը նաև բաց նամակ է հրապարակել՝ ուղղված Արցախի նախագահ Արայիկ Հարությունյանին, որում հայտնել է առաջիկայում Լեհաստանում Արցախի անկախության ճանաչման քաղաքացիական կոմիտե ստեղծելու մասին։ Կոմիտեի, որի կազմում ընդգրկված են լինելու Լեհաստանի՝ խաղաղություն սիրող քաղաքացիներ, նպատակն է լինելու պաշտպանել հայ ժողովրդի իրավունքները և արժանապատվությունը, Արցախում (Լեռնային Ղարաբաղում) հակամարտությունը դադարեցնելու ուղղությամբ գործողությունները, Արցախի Հանրապետությանն (Լեռնային Ղարաբաղին) առնչվող տեղեկատվական գործողությունները, «այդ գեղեցիկ հայկական հողակտորի՝ Արցախի անկախության ճանաչումը», Արցախում (Լեռնային Ղարաբաղում) հակամարտության ընթացքում վիրավորներին և փախստականներին օգնության տրամադրումը: