Այս զինատեսակի առաջացրած հրդեհը չի մարում անգամ այն մարող նյութերով կամ ջրով․ ՀՀ ՄԻՊ-ը՝ Արցախի դեմ կիրառվող ֆոսֆորային զինատեսակի մասին - RadioVan.fm

Онлайн

Այս զինատեսակի առաջացրած հրդեհը չի մարում անգամ այն մարող նյութերով կամ ջրով․ ՀՀ ՄԻՊ-ը՝ Արցախի դեմ կիրառվող ֆոսֆորային զինատեսակի մասին

2020-10-31 23:25 , Право, 244

Այս զինատեսակի առաջացրած հրդեհը չի մարում անգամ այն մարող նյութերով կամ ջրով․ ՀՀ ՄԻՊ-ը՝ Արցախի դեմ կիրառվող ֆոսֆորային զինատեսակի մասին

Կիրառվում է զանգվածային ոչնչացման զինատեսակ, որի առաջացրած հրդեհը չի մարում անգամ այն մարող նյութերով կամ ջրով․ այդ մասին տարածած հայտարարությունում արձանագրում է ՀՀ մարդու իրավունքների պաշտպան Արման Թաթոյանը՝ անդրադառնալով թշնամական ուժերի կողմից ադրբեջանաարցախյան հակամարտության գոտում քիմիական զենքի տարրեր պարունակող ֆոսֆորային զինատեսակի կիրառմանը։

Արման Թաթոյանը, մասնավորապես, նշել է․

«Երեկ և այսօր հրապարակվեցին օբյեկտիվ բնույթի ապացույցներ այն մասին, որ Ադրբեջանի զինված ուժերը Արցախում կիրառում են զանգվածային ոչնչացման, քիմիական տարրեր պարունակող զինատեսակ:

Այդ պահին հրապարակվեցին տվյալներ, որ խոսքը գնում է ֆոսֆոր պարունակող զինատեսակի մասին: Դրանից հետո եղան մի շարք հրապարակումներ այն մասին, որ խոսքը կարող է գնալ այլ քիմիական նյութեր պարունակող զանգվածային ոչնչացման զինատեսակի մասին:

Ցանկացած պարագայում պետք է արձանագրել առնվազն հետևյալը.

1) կիրառվում է զանգվածային ոչնչացման զինատեսակ,

2) այն պարունակում է քիմիական տարրեր,

3) զինատեսակը կիրառվում է անտառների նկատմամբ և առաջացնում է զանգվածային հրդեհներ ու ավերածություններ,

4)այս զինատեսակի առաջացրած հրդեհը չի մարում անգամ այն մարող նյութերով կամ ջրով՝ ըստ մասնագիտական գնահատականների,

5) անտառները, որոնց նկատմամբ կիրառվել են այս նյութերը, գտնվում են քաղաքացիական բնակավայրերի հարևանությամբ (այս պահի տվյալներով՝ Շուշիի, Մարտակերտի, Ասկերանի շրջաններ),

6) ըստ փաստահավաք աշխատանքների՝ անտառներում ադրբեջանական զինված հարձակումներից պատսպարվում են նաև խաղաղ բնակիչներ:

Այս զինատեսակի օգտագործումը ու այն էլ նման պայմաններով արգելված է միջազգային իրավունքով:

Հայաստանի ու Արցախի մարդու իրավունքների պաշտպանների աշխատակազմերում ներկայում իրականացվում են համատեղ ուսումնասիրություններ, որի արդյունքները կհրապարակվեն և կուղարկվեն միջազգային մարմիններին՝ ըստ իրավասության»:

Նշենք՝ ՀՀ արտաքին գործերի նախարար Զոհրաբ Մնացականյանն այսօր անդրադառնալով Արցախի բնակելի տարածքներին մոտ անտառների վրա Ադրբեջանի կողմից ֆոսֆորային զինատեսակի օգտագործմանը՝ հայտարարել է, որ այն, ինչ անում է Ադրբեջանը, լիովին անհարգալից վերաբերմունք է իր ստանձնած պարտավորությունների նկատմամբ։

Лента

Рекомендуем посмотреть