Ծայրահեղ ծանր վիճակում գտնվող զինվորը շուրջ 10 օր սպասել էր մորը. Շուշան Դանիելյան

«...դաժանություն՝ առանց չափ ու սահմանի․․․

Համալսարանական հիվանդանոցում, շուրջ 10 օրից ավել մի Հերոս զինվոր ունեինք, ով գիտակցություն չուներ, ծայրահեղ ծանր վիճակում էր գտնվում։ Երեկ, վերջապես Մայրը գտավ իր Որդուն․․․, մոր երջանկությունն անսահման էր, երջանկությունից աչքերը փայլատակում էին՝ իր որդին ողջ է․․․ 2 ժամ հետո Տղան մահացավ․․․Նա շուրջ 10 օր սպասում էր իր Մորը․․․»,-«Հերացի» թիվ 1 համալսարանական հիվանդանոցում պատահած մի դեպքի մասին է գրել Երևանի պետական բժշկական համալսարանի աշխատակազմի ղեկավար Շուշան Դանիելյանը։

Նա հույս է հայտնում, որ մի օր, նենգ ու ստոր թշնամուն կպատժենք՝ անչափ ու անսահման դաժան պատժով։