Օրհներգի յուրաքանչյուր բառը կոդ է, վերաիմաստավորե՛ք դրանք պատերազմական այս օրերին․ ԿԳՄՍ նախարար

Օրհներգը հենց այնպես չի գրվում, նրա յուրաքանչյուր բառ կոդ է, հաղթանակի բանալին: Այդ մասին ֆեյսսբուքյան իր էջում գրել է ՀՀ կրթության, գիտության, մշակույթի և սպորտի (ԿԳՄՍ) նախարար Արայիկ Հարությունյանը։

«Բացատրե՛ք ձեր երեխաներին մեր օրհներգի յուրաքանչյուր նախադասությունը: Կարդացե՛ք ինքներդ, վերաիմաստավորե՛ք դրանք պատերազմական այս օրերին»,-հորդորել է նախարարը՝ հրապարակելով նաև օրհներգի բառերը:

Մեր Հայրենիք

Մեր Հայրենիք, ազատ, անկախ,

Որ ապրել է դարեդար,

Իր որդիքը արդ կանչում է

Ազատ, անկախ Հայաստան:

Ահա եղբայր, քեզ մի դրոշ,

Զոր իմ ձեռքով գործեցի,

Գիշերները ես քուն չեղա,

Արտասուքով լվացի:

Նայիր նրան` երեք գույնով

Նվիրական մեկ նշան,

Թող փողփողի թշնամու դեմ,

Թող միշտ պանծա Հայաստան:

Ամենայն տեղ մահը մի է,

Մարդ մի անգամ պիտ մեռնի,

Բայց երանի, որ յուր ազգի

Ազատության կզոհվի: