Онлайн
Արցախի արտակարգ իրավիճակների պետական ծառայությունից հայտնում են, որ նախագահի ստորագրած հրամանագրի համաձայն, Արցախի Հանրապետությունում ազատ տեղաշարժվելու իրավունքի որոշակի սահմանափակումներ են մտցվել, ինչպես նա սահմանվել է Արցախի Հանրապետության (ԱՀ) քաղաքացիների հանրապետությունից դուրս գալու հատուկ ռեժիմ:
Ստեղծվել է պարետատուն, որի ղեկավարման համար պարետ է նշանակել ԱՀ արտակարգ իրավիճակների պետական ծառայության տնօրեն Կարեն Սարգսյանը:
«Ռազմական դրության ընթացքում փողոցներում ու այլ հասարակական վայրերում գտնվելու ժամանակ բոլորը պետք է իրենց հետ ունենան անձը հաստատող փաստաթուղթ (զինգրքույկ), ինչն, անհրաժեշտության դեպքում, պետք է ներկայացվի պարեկներին, ովքեր շուրջօրյա ծառայություն են իրականացնում ամբողջ հանրապետության տարածքում:
Հորդորում ենք անվերապահ հետևել պարետատան ցուցումներին, և տեղաշարժվել միայն խիստ անհրաժեշտության դեպքում»,-ասված է գերատեսչության տարածած հաղորդագրությունում:
Նշենք՝ «Ռազմական դրության իրավական ռեժիմի մասին» օրենքի դրույթներից բխող Արցախի նախագահի՝ նախօրեին ստորագրած հրամանագրի համաձայն՝ սահմանափակվել է զորահավաքային զորակոչի ենթակա քաղաքացիների ելքը Արցախից:
