Онлайн
ՀՀ պաշտպանության նախարարությունը (ՀՀ ՊՆ) կրկին վերահաստատում է, որ ՀՀ զինված ուժերի (ԶՈւ) և Արցախի պաշտպանության բանակի (ՊԲ) ստորաբաժանումները պատրաստ են պահպանել հոկտեմբերի 10-ին Մոսկվայում ստորագրված հումանիտար հրադադարի պայմանները, ինչպես նաև կիրառել հրադադարի ռեժիմի դիտարկման համաձայնեցված կարգավորումները:
«Այս առումով հորդորում ենք միջազգային հանրությանը, մասնավորապես՝ ԵԱՀԿ Մինսկի խմբի համանախագահներին, իրենց հայտարարություններում և կոչերում հասցեական անդրադառնալ հակամարտության այն կողմին, որը զանազան միջոցներով խուսափում է հրադադարի ռեժիմի և այդ ռեժիմի պահպանման համար անհրաժեշտ վերիֆիկացիոն մեխանիզմների հաստատումից»,-ասված է ՀՀ պաշտպանության նախարարության տարածած հայտարարությունում։
