Թշնամին հրադադարի խախտման արդյունքում 220 նոր զոհ ունի, ընդհանուր՝ 5139

Հրադադարի ռեժիմի խախտումներով ռազմական գործողությունների ժամանակ հակառակորդը վերջին 1 օրում 220 կենդանի ուժ է կորցրել, հայկական զինուժի կողմից խոցվել է ևս 5 անօդաչու թռչող սարք, 7 զրահատեխնիկա, 1 ինքնաթիռ։

Ընդհանուր առմամբ, Ադրբեջանը՝ Թուրքիայի աջակցությամբ և վարձկան-ահաբեկիչների ներգրավմամբ սանձազերծած ռազմական գործողությունների օրից՝ սեպտեմբերի 27-ից մինչև հոկտեմբերի 12-ը, շուրջ 5139 կենդանի ուժ է կորցրել։ Նույն ժամանակահատվածում խոցվել է հակառակորդի 173 անօդաչու թռչող սարք (ԱԹՍ), 16 ուղղաթիռ, 521 զրահատեխնիկա (տանկ, ՀՄՄ), 18 ինքնաթիռ, 4 «Սմերչ» կայան, 4 «ՏՕՍ»՝ համազարկային կրակի ծանր հրանետային համակարգ:

Տվյալները՝ «Հայկական միասնական տեղեկատվական կենտրոն»-ի։