Онлайн
Ի՞նչ իրավիճակ է Քարվաճառում: Այսօր հրավիրված մամլո ասուլիսում պատասխանելով այս հարցին ՀՀ պաշտպանության նախարարության (ՊՆ) ներկայացուցիչ Արծրուն Հովհաննիսյանն ասաց.
«Այդ ուղղությամբ էլ կան մարտական գործողություններ։ Ինքնաթիռը հենց այդ ուղղությամբ է խոցվել, ի միջի այլոց։ Այլ մանրամասներ չեմ կարող ասել, մարտերն ինտենսիվությամբ միգուցե զիջում են հարավում տեղի ունեցող մարտական գործողություններին, բայց այնպես չէ, որ Քարվաճառում խաղաղ իրավիճակ է»:
Արծրուն Հովհաննիսյանի փոխանցմամբ, այսօր, անցնող ժամերի ընթացքում, հակառակորդի 3 ԱԹՍ է խոցվել, 1 ինքնաթիռ, 3 զրահատեխնիկա, սպանվել է մոտ 200 ադրբեջանցի է:
Արծրուն Հովհաննիսյանի ճեպազրույցի մանրամասները՝ տեսանյութում:
Այսօր ավելի վաղ հայտնի էր դարձել, որ Արցախի պաշտպանության բանակի հակաօդային պաշտպանության միջոցներով արևելյան ուղղությամբ խոցվել է հակառակորդի «ԱՆ-2» տիպի անօդաչու ռմբակոծիչ ինքնաթիռ:
