Պոնտացի հույները Արցախին 100 000 ԱՄՆ դոլար են նվիրաբերել

Պոնտացի հույները 100 000 ԱՄՆ դոլար են փոխանցել «Մենք ենք, մեր սահմանները. բոլորս Արցախի համար» խորագրով «Հայաստան» համահայկական հիմնադրամի նախաձեռնած դրամահավաքին։

«Հայ և հույն ժողովուրդների բարեկամությունը դարերի պատմություն ունի:

Այս օրհասական պահին, պոնտացի հույները նույնպես մեր կողքին են: Միանալով համահայկական շարժմանը՝ նրանք Հիմնադրամին են նվիրաբերել 100,000 ԱՄՆ դոլար:

Շնորհակալ ենք!

Յուրաքանչյուր նվիրատվություն կյանքեր է փրկում Արցախում։

Միացի՛ր համահայկական շարժմանը: Արա՛ քո քայլը հենց հիմա՝ www.himnadram.org»,-ասված է Հիմնադրամի ֆեյսբուքյան գրառման մեջ։

Հիշեցնենք՝ «Մենք ենք, մեր սահմանները. բոլորս Արցախի համար» խորագրով «Հայաստան» համահայկական հիմնադրամը սեպտեմբերի 27-ին՝ Ադրբեջանի սանձազերծած պատերազմական գործողությունների օրը, Արցախին օգնելու նպատակով հայտարարեց համազգային դրամահավաք-արշավ սկսելու մասին։ Այսօր ավելի վաղ հաղորդվել էր, որ Արցախին նվիրաբերված գումարի չափը հատել է 100 մլն դոլարի շեմը։