Онлайн
«Եթե առաջիկա երկու օրերին հակառակորդը չպահպանի Մոսկվայում բարձր մակարդակով ձեռք բերված հրադադարի պայմանավորվածությունը՝ ես կդիմեմ Հայաստանի Հանրապետությանը, միջագային հանրությանը և աշխարհի բոլոր երկրներին՝ ճանաչելու Արցախի Հանրապետության անկախությունը»,-այդ մասին այսօր հրավիրված մամլո ասուլիսում ասաց Արցախի նախագահ Արայիկ Հարությունյանը:
«Դեռ չեմ ուզում վերջնական ասել, թե Ադրբեջանի, Թուրքիայի և ահաբեկիչների պահվածքն ինչպիսին է լինելու, ինչքանով են հարգելու Ռուսաստանի միջնորդությունը, միջազգային հանրության կոչը՝ գնալու հումանիտար հրադադարի և ապա՝ բանակցությունների: Եթե դա չլինի, ապա դա ևս հերթական ապացույցը կլինի, որ խնդիրը ղարաբաղա-ադրբեջանական խնդրի լուծումը չէ, այլ այստեղ թաքնված է մարդկությանը վտանգ սպառնացող ծրագրեր: Իսկ եթե առաջիկա մեկ-երկու օրվա ընթացքում Ադրբեջանը չգնա խաղաղ ճանապարհով հարցի լուծման, դիմելու եմ առաջին հերթին Հայաստանի իշխանություններին՝ ճանաչելու Արցախի անկախությունը, միջազգային կառույցներին և աշխարհի բոլոր երկրներին: Եվ աշխարհը կտեսնի այն երկրների ցանկը, որոնք աջակցում են ահաբեկչությանը: Նրանց պետք է ցուցակագրել, և այդ երկրների ժողովուրդները պետք է իմանան իրենց իշխանության վարքագիծը, և նրանք պետք է պատասխան տան, այդ թվում՝ Աստծո առաջ»,-ասաց Արցախի նախագահը:
Մանրամասները՝ տեսանյութում:
