Онлайн
«Ուզում եմ գնաք, մի քիչ կազդուրվեք, կարգավորվեք, շարունակեք ձեր ծառայությունը։ Խոնարհվում եմ ձեր բոլորի առաջ, ձեր ցավը տանեմ, լավ եղեք»,-Հադրութում թշնամու գրոհն այսօր ետ մղած տղաների հետ հանդիպմանն ասում է Արցախի նախագահ Արայիկ Հարությունյանը՝ ընդգծելով, որ հաղթանակի հասեցատերը ժողովուրդն է, իսկ կերտողը նրան են եղել։
Արայիկ Հարությունյանը նաև տեսանյութ է հրապարակել:
Արցախի նախագահն ավելի ուշ գրել է.
«Սիրելի՛ հայրենակիցներ
Այսօր Հադրութում թշնամու դիվերսիոն ներթափանցման ուժերի դեմ պայքարի ընթացքում մեկ անգամ ևս համոզվեցի, որ մեր տղաների մարտական ոգին հզոր է: Նրանց խաղաղ ու սթափ հայացքները հաղթանակի վստահ տրամադրությունն են արտահայտում թշնամու հրոսակախմբերի դեմ պայքարում: Ի դեպ, տեղում պատահաբար հանդիպեցի նաև արցախյան առաջին պատերազմի մեր լեգենդար հրամանատարներից Առուշան Բադասյանին, ով պատերազմի լուրն առնելուն պես Միացյալ Նահանգներից շտապել է Արցախ:
Մենք մեր հողի համար ենք կանգնում, իսկ այդ ընթացքն անկասելի է:
Փա՛ռք հայ ժողովրդին, որ հավերժ պետք է ապրի ու արարի իր հայրենի հողում»:
Այսօր ավելի վաղ ՀՀ պաշտպանության նախարարության մամուլի խոսնակ Շուշան Ստեփանյանը հայտնել էր, որ նախքան հումանիտար հրադադարի հաստատումը ադրբեջանական կողմը դիվերսիոն-հետախուզական ներթափանցման փորձ է ձեռնարկել Հադրութի ուղղությամբ և, որ շուրջ 3 ժամ է շարունակվում են ներթափանցած խմբի շրջափակման և ոչնչացման գործողությունները:
