Եվրոպական Եկեղեցիների Համագումարի Գլխավոր քարտուղարն ուղերձ է հղել Ամենայն Հայոց Կաթողիկոսին

Արցախա-ադրբեջանական շփման գծում ծավալված ռազմական գործողությունների առնչությամբ Եվրոպական Եկեղեցիների Համագումարի Գլխավոր քարտուղար Յորգեն Սկով Սորենսենն ուղերձ է հղել Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսին՝ նշելով, որ Եվրոպական եկեղեցիները խորապես ցավում են առկա հակամարտության կապակցությամբ և աղոթում երկու հարևան երկրների միջև ծագած խնդրի արագ և վերջնական լուծման համար:

«Համագումարն իր ցավակցությունն է հայտնում հակամարտության ընթացքում մարդկային կորուստների համար, որը դեռևս սկսվել է ամռան կեսից: Եվրոպական Եկեղեցիների Համագումարը վստահեցնում է Ձերդ Սրբությանը, որ դիվանագիտական ջանքեր կգործադրվեն միջազգային կազմակերպությունների ուղղությամբ՝ համոզվելու, որ ԵԱՀԿ Մինսկի խումբն անընդհատ մղում է դեպի ներկա հակամարտության բարենպաստ հանգուցալուծում: Համագումարը կոչ է անում կրոնական առաջնորդներին մասնակցել այս հարցի կարգավորմանը և բարեխղճորեն նպաստել երկու ժողովուրդների հաշտեցմանը»,-Եվրոպական Եկեղեցիների Համագումարի Գլխավոր քարտուղարի ուղերձն են փոխանցում Մայր Աթոռի Տեղեկատվական համակարգից:

Միաժամանակ նշվում է, ոևԳլխավոր քարտուղարը տեղեկացրել է Վեհափառ Հայրապետին նաև առկա իրավիճակի շուրջ Եվրամիությանը կատարված դիմումի առնչությամբ։