«Վշտի և ուրախության մեջ, այսօր և վաղը` միասին ենք»․ Չավուշօղլուն՝ Ալիևին

Թուրքիան պատրաստ է Ադրբեջանին ցանկացած աջակցություն տրամադրել, եթե դրա կարիքը լինի․ հայտարարել է այդ երկրի արտաքին գործերի նախարար Մեվլութ Չավուշօղլուն Ադրբեջանի նախագահ Ալիևի հետ հանդիպման ժամանակ։

«Մենք ամենուրեք պաշտպանելու ենք Ադրբեջանի արդար դատը:

Վշտի և ուրախության մեջ, այսօր և վաղը` միասին ենք»,-Թվիթերի իր միկրոբլոգում գրել է Թուրքիայի արտգործնախարարը՝ մեկ այլ գրառմամբ էլ շեշտելով, որ «իրենք ազգ են»:

«Ոչ ոք չպետք է կասկածի, որ անհրաժեշտության դեպքում մենք գործելու ենք որպես պետություն: Թուրքիա և Ադրբեջան, Ադրբեջան և Թուրքիա»,-գրել է Չավուշօղլուն:

Can #Azerbaycan'ın Cumhurbaşkanı İlham Aliyev'e Cumhurbaşkanımız @RTErdogan'ın selam ve desteklerini ilettik.
BİZ BİR MİLLETİZ!
Gerektiğinde bir devlet gibi davranacağımızdan kimsenin şüphesi olmasın. Türkiye Azerbaycan'dır, Azerbaycan da Türkiye @azpresident pic.twitter.com/wWkgTmvKNK
— Mevlüt Çavuşoğlu (@MevlutCavusoglu) October 6, 2020

Can #Azerbaycan’daki kardeşlerimize devletimizin ve milletimizin desteğini ve dayanışmasını göstermek için #Bakü’deyiz. pic.twitter.com/Yyp5H0OEaF
— Mevlüt Çavuşoğlu (@MevlutCavusoglu) October 6, 2020

Yukarı Karabağ, Azerbaycan’ındır.
Dünya haklının, yani Azerbaycan’ın yanında yer almalıdır.
Azerbaycan’ın haklı davasını her yerde savunacağız!
Kederde de sevinçte de; bugün de yarın da yanyanayız!

Üç renkli bayrağınla mesut yaşa AZERBAYCAN! @bayramov_jeyhun pic.twitter.com/wB9UKWmOcX
— Mevlüt Çavuşoğlu (@MevlutCavusoglu) October 6, 2020

Հիշեցնենք՝ Թուրքիայի արտաքին գործերի նախարարի այցը Ադրբեջան կայացել է երեկ։ Այցից առաջ էլ Չավուշօղլուն գրել էր, թե՝ «Բաքու է գնացել, որպեսզի ևս մեկ անգամ ի ցույց դնի իր աջակցությունը եղբայրական Ադրբեջանին»։

Այցից հետո, ի դեպ, Ադրբեջանի նախագահ Իլհամ Ալիևը Թվիթերում Թուրքիայի արտգործնախարար Չավուշօղլուի հետ լուսանկար է հրապարակել, որում, միաժամանակ, գրված է․

«Թուրք ադրբեջանական միությունը պետք է օրինակ լինի ողջ աշխարհի համար։ Այսօր դա մենք ապացուցում ենք իրական կյանքում, և, կարծում եմ, այդ միության ապագան տարածաշրջանում կայունության ու խաղաղության առանցքային պայմանը կլինի»։

pic.twitter.com/of6GUT3idg
— Ilham Aliyev (@presidentaz) October 6, 2020

Նշենք՝ միջազգային գերտերությունները, այդ թվում՝ ԵԱՀԿ Մինսկի խմբի համանախագահ երկրներն այս օրերին կտրականապես քննադատում են Թուրքիայի միջամտությունը արցախյան ճակատում սկսված գործընթացներում՝ ընդգծելով, որ դա կարող է այս առճակատումը վերածել տարածաշրջանային հակամարտության։

Արցախի արտաքին գործերի նախարարությունն էլ ողջունելով ԵԱՀԿ Մինսկի խմբի համանախագահող երկրների ջանքերը` ուղղված Ադրբեջանի կողմից սանձազերծված ռազմական գործողությունների անհապաղ դադարեցմանը, որոնք սպառնում են տարածաշրջանային անվտանգությանն ու կայունությանը, հերթական անգամ հաստատուն կերպով բարձրաձայնել է Արցախի Հանրապետության սկզբունքային դիրքորոշումը` այն է՝ ադրբեջանա-ղարաբաղյան հակամարտության խաղաղ կարգավորման գործընթացի շրջանակներում միջազգային միջնորդական ջանքերում ցանկացած ձևով անթուլյատրելի է Թուրքիայի մասնակցությունը։