Онлайн
Եվրախորհրդարանում Արցախյան գոտում ստեղծված պատերազմական իրավիճակի քննարկմանը զուգահեռ՝ այսօր Եվրոպայի լռության դեմ բողոքի ակցիա է կազմակերպվել Եվրախորհրդարանի շենքի դիմաց:
Հավաքվածները մեղադրել են եվրոպական կառույցներին՝ ադրբեջանական ագրեսիայի հանդեպ կույր և համր մնալու համար:
«Թուրքիան ներգրավված է այս ամենում, բայց Եվրոպան մնում է խուլ և համար, խաղաղ բնակիչներ են սպանվում, Եվրոպան լռում է»,–ասել են նրանք՝ հիշեցնելով, որ բազմաթիվ ապացույցներ կան այն մասին, որ ահաբեկիչներ են տեղափոխվում Արցախ:
Հավաքվածները վանկարկել են՝ «ամո՛թ, ամո՛թ»:
Նշենք՝ Արցախի Մարդու իրավունքների պաշտպան Արտակ Բեգլարյանը «Մի եղեք կույր» #DontBeBlind խորագրի ներքո արշավ է կազմակերպել, որին միացել են Արցախի և Հայաստանի նախկին Օմբուդսմեններ Ռուբեն Մելիքյանը և Լարիսա Ալավերդյանը։
