«Բարսելոնա»-ի նշանով գնդակի շնորհիվ Մարտունիում իսպանացի լրագրողը փրկվել է հրետակոծությունից

Իսպանացի լրագրող Պաբլո Գոնսալեսը, որն այս օրերին Արցախում է, Բարսելոնա» ակումբի նշանով գնդակի շնորհիվ այսօր փրկվել է Մարտունիում հակառակորդի հրետակոծությունից:

Թվիթերում կատարած գրառմամբ Գոնսալեսը պատմում է, որ Մարտունիում նկարահանումների ընթացքում բակերից մեկում նկատել է իսպանական ֆուտբոլային ակումբի նշանով գնդակ, մոտեցել է, որ նկարի, և հրետակոծության պահին նրան հաջողվել է գետնին պառկելով փրկվել:

El lugar donde estábamos cuando nos ha cubierto la ronda de grads. Parece broma, pero esa pelota me ha salvado en parte. He ido a fotografiarla y al estar dentro del patio, me he podido acurrucar contra al suelo y murete. Ha ido muy muy cerca esta vez. pic.twitter.com/jLNMLQpLHv
— Pablo González (@PabVis) October 1, 2020

Նշենք՝ այսօր Հադրութում և Մարտունիում հակառակորդի կողմից շարունակվել է քաղաքացիական ենթակառուցվածքների և բնակավայրերի ռմբակոծությունը: Քաղաքացիական բնակիչների հետ մեկտեղ վիրավորվել են թե´ տեղական, թե´ օտարերկրյա լրատվամիջոցների ներկայացուցիչներ: Ծանր վիրավորում ստացած ֆրանսիացի լրագրողի կյանքը Արցախում բժիշկներին հաջողվել է փրկել

Արցախի Հանրապետության Մարդու իրավունքների պաշտպանը (ՄԻՊ) իր փաստահավաք առաքելության շրջանակներում տեղեկություններ է ստացել, որ հոկտեմբերի 1-ին Մարտունիում ադրբեջանական զինված ուժերի կողմից քաղաքացիական բնակչության թիրախավորման հետևանքով զոհվել է 4 և վիրավորվել 11 քաղաքացիական անձ: Վիրավորներից ոմանք լրագրողներ են, երկուսը՝ ֆրանսիական «Լա Մոնդ» թերթի լրագրողներ՝ Յաղոբզադեն Ռաֆայել Շառլզը և Ալան Կավալը: