Онлайн
«Ոչ թուրքական ապրանքներին». այս կարգախոսի ներքո հայաստանյան մի շարք խոշոր առևտրի կենտրոններ հայտարարել են թուրքական ապրանքների վաճառքը դադարեցնելու մասին:
««Նոր Զովք» սուպերմարկետների ցանցը իր որոշման համաձայն դադարեցնում է թուրքական ապրանքների վաճառքը:
Այս պահին վաճառվում են միայն մասնաճյուղերում առկա մնացորդները:
Հորդորում ենք մնացած սուպերմարկետներին ևս հրաժարվել թուրքական արտադրանքներից»,-ասված է «Նոր Զովք»-ի ֆեյսբուքյան գրառման մեջ:
«Երևան Սիթի» սուպերմարկետների ցանցը ևս դադարեցնում է թուրքական ապրանքների վաճառքը:
«Այս պահին վաճառվում են միայն մասնաճյուղերում առկա մնացորդները:
Մեր ողջ անձնակազմով պատրաստ ենք միշտ սատարելու մեր սահմանապահ քաջ զինվորին այս դժվարին և օրհասական պահերին։ Մեր օգնությունն ու զորակցությունն ենք փոխանցում մեր անվախ զինվորներին, մեր ուժը միասնության և հավաքական լինելու մեջ է,
Աստված պահապան Հայ ժողովրդին»,-ասված է խանութների ցանցի ֆեյսբուքյան գրառման մեջ։
Ի դեպ՝ խանութներից մեկի մուտքին էլ՝ գետնի վրա պատկերված էր թուրքական դրոշը՝ այն ոտնակոխ անելու նպատակով:
