Վստահ ենք՝ ՀՀ պաշտպանական ուժերը կարող են դիմակայել, հակառակ դեպքում, չկասկածե՛ք, կարող ենք ականատես լինել հայերի երկրորդ ցեղասպանությանը․ Ջոն Էվանս

Հայաստանում Ամերիկայի Միացյալ Նահանգների (ԱՄՆ) նախկին դեսպան Ջոն Էվանսը թվիթերյան իր էջում կատարած գրառմամբ հույս է հայտնել, որ հայկական պաշտպանական ուժերը կկարողանան դիմակայել ադրբեջանական այս կատաղի հարձակմանը, հակառակ դեպքում, նշել է նա, չկասկածե՛ք՝ կարող ենք ականատես լինել հայերի երկրորդ ցեղասպանությանը:

«Աշխարհը պատրա՞ստ է դրան: Թուրքիան դա արեց 1915 թվականին։ Ադրբեջանցիները ցանկանում են Ղարաբաղն՝ առանց հայերի»,-շեշտել է Ջոն Էվանսը՝ #Հայաստան# Խաղաղություն # Արցախ հեշթեգով գրառման մեջ։

One trusts Armenian Defense Forces can stand up to this Azeri onslaught, otherwise -- make no mistake -- we could witness a second Armenian Genocide. Is the world ready for that? Turkey did it in 1915. Azeris want Karabakh minus Armenians. #Armenia #Peace #Artsakh https://t.co/XyUSQC86fc
— John M Evans (@EvansinAmerica) September 29, 2020

Նշենք՝ երեկ ՀՀ փոխվարչապետ Տիգրան Ավինյանի հետ կամավորականների հետ հանդիպմանը Արցախի նախագահ Արայիկ Հարությունյանը հայտարարել է, որ մենք չենք խնդրելու զինադադար, մենք պետք է պարտադրենք զինադադար:

«Եթե խնդրենք զինադադար՝ դա կլինի Հայաստանի վախճանը, ոչ թե՝ Արցախի, որովհետև, տեսնում եք, կռվում ենք թե Ադրբեջանի, այլ Թուրքիայի դեմ: Իսկ Թուրքիային հետաքրքիր չէ Արցախը, Ջաբրայիլը, Հորադիսը, Լաչինը, Թուրքիային հետաքրքիր է Հայաստան աշխարհն ամբողջությամբ՝ իր պանթուրքիզմի ծրագրերն իրականացնելու առումով: Դրա համար պետք է բոլորս հասկանանք՝ մեր քայլից, մեր ապրելու իրավունքից կախված է մեր ապագան, և պետք է փորձենք ապրել»,-ասել է Արցախի նախագհը՝ ընդգծելով, որ հակառակորդին խփելու են այնքան, մինչև ուշքի գան։