Онлайн
Ֆրանսիայի նախագահ Էմանուել Մակրոնը Լատվիայում հրավիրված մամլո ասուլիսում հայտնել է, որ նախատեսում է Լեռնային Ղարաբաղում (ԼՂ) տիրող իրավիճակի հարցը քննարկել Ռուսաստանի Դաշնության (ՌԴ) նախագահ Վլադիմիր Պուտինի և Ամերիկայի Միացյալ Նահանգների (ԱՄՆ) նախագահ Դոնալդ Թրամփի հետ:
«Տարածաշրջանային ճգնաժամերը, այդ թվում Լեռնային Ղարաբաղի կոնֆլիկտը, հնարավոր չէ կարգավորել առանց Ռուսաստանի»,- TASS-ի փոխանցմամբ՝ հատուկ ընդգծել է Մակրոնը։
Ֆրանսիայի նախագահը միաժամանակ անհանգստություն է արտահայտնել Լեռնային Ղարաբաղի հակամարտության վերաբերյալ Թուրքիայի ռազմատենչ հայտարարությունների առնչությամբ:
Նա վտանգավոր և չմտածված է համարել այդ երկրից եկող «ռազմատենչ հայտարարությունները», որոնք Ադրբեջանին մղում են ռազմական գործողություններ զարգացնելուն։
«Ֆրանսիան ծայրաստիճան մտահոգված է վերջին ժամերին Թուրքիայից եկած ռազմատենչ հայտարարություններից, որոնք Ադրբեջանին դրդեցին «հետ վերադարձնել» Լեռնային Ղարաբաղը»,-ասել է Մակրոնը՝ շեշտելով, որ դա իրենց համար անընդունելի է։
