Онлайн
Այսօր ևս հակառակորդի զավթողական մտադրությունը ձախողվել է, ավելին, ռազմաճակատի տարբեր ուղղություններով Արցախի պաշտպանության բանակի (ՊԲ) ստորաբաժանումներն արձանագրել են որոշակի հաջողություններ՝ հետ վերցնելով նախկին օրերին կորցրած որոշ դիրքեր, հիմնականում հարավային ու հյուսիսային ուղղություններով»:
Այդ մասին Արցախի տեղեկատվական շտաբում 21։30-ին հրավիրված մամլո ասուլիսում ասաց Արցախի ՊԲ հրամանատարի տեղակալ Արթուր Սարգսյանը:
Նրա խոսքով, հակառակորդը չհամակերպվելով կրած անհաջողությունների հետ՝ այսօր ևս օգտագործել է իր ամբողջ զինանոցը։
«Եւ´ գիշերվա, և´ ցերեկվա ընթացքում հակառակորդը կիրառել է ավիացիա՝ ուղղաթիռներ, ինքնաթիռներ, հարվածային անօդաչու թռչող սարքեր, զինանոցում գտնվող լուրջ հրթիռահրետանային սպառազինություն»,- ասաց նա։
Արթուր Սարգսյանի փոխանցմամբ՝ այսօրվա ընթացքում հակառակորդը կորցրել է 17 տանկ, 4 զրահափոխադրիչ, 3 ինժեներական ծանր զրատեխնիկա, 13 անօդաչու թռչող սարք (ԱԹՍ):
«Ադրբեջանական կողմի մարդկային կորուստների ընդհանուր թիվը հասել է շուրջ 500-ի: Հայկական կողմը ևս կրել է մարդկային կորուստներ, թվային տվյալները ՊԲ-ն կներկայացնի ավելի ուշ պաշտոնական հաղորդագրությամբ»,-ասաց նա:
Մանրամասները՝ տեսանյութում:
