Թուրքիան Հայաստանին մեղադրել է հարձակման մեջ

Թուրքիայից՝ ի դեմ նախագահ Ռեջեփ Թայիփ Էրդողանի խոսնակ և գլխավոր խորհրդական Իբրահիմ Քալընի, հնչել է առաջին արձագանքն այսօր առավոտյան արցախա-ադրբեջանական հակամարտ զորքերի շփման գծի ողջ երկայնքով Ադրբեջանի հարձակման առնչությամբ: Այն որակվել է որպես «Հայաստանի կողմից հարձակում»։

«Մենք խստորեն դատապարտում ենք Հայաստանի հարձակումը Ադրբեջանի վրա: Հայաստանը հերթական անգամ խախտել է միջազգային իրավունքը և ցույց տվել, որ շահագրգռված չէ խաղաղության և կայունության մեջ:

Թուրքիան լիակատար աջակցում է Ադրբեջանին և պաշտպանում է նրա ինքնապաշտպանության իրավունքը»,-ասված է Էրդողանի խորհրդականի թվիթերյան գրառման մեջ։

We strongly condemn Armenia’s attack on Azerbaijan. Armenia has once again violated international law and shown that it has no interest in peace and stability.

Turkey stands in full solidarity with Azerbaijan and unreservedly supports its right to self-defense.
— Ibrahim Kalin (@ikalin1) September 27, 2020

Հիշեցնենք՝ այսօր՝ սեպտեմբերի 27-ին, ժամը 07:15-ի սահմաններում, հակառակորդը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ողջ երկայնքով՝ թիրախավորելով նաև խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը: Ընթանում են թեժ մարտեր:

Հաղորդվել է Արցախի խաղաղ բնակչության շրջանում կորուստների մասին։