1,5-3 անգամ․ Ռուսաստանից Հայաստան և հակառակ ուղղությամբ ծանրոցների փոխադրման գինը կնվազի

Հոկտեմբերի 1-ից Ռուսաստանից Հայաստան և հակառակ ուղղությամբ ծանրոցների փոխադրման գինը կնվազեցվի:

Այդ մասին հայտնում է ՀՀ բարձր տեխնոլոգիական արդյունաբերության նախարար Հակոբ Արշակյանը:

«Ռուսաստանի Նիժնի Նովգորոդ քաղաքում քիչ առաջ Հայփոստի և Ռուսաստանի փոստի միջև ստորագրվեց համաձայնագիր, որը թույլ կտա հոկտեմբերի 1-ից Մոսկվայի շրջանից դեպի Հայաստան և հակառակ ուղղությամբ ծանրոցների փոխադրման գինը նվազեցնել շուրջ 3 անգամ, իսկ Ռուսաստանից դեպի Հայաստան և հակառակ ուղղությամբ` 1.5 անգամ։

Սա լավ հնարավորություն է ինչպես քաղաքացիների, այնպես էլ էլեկտրոնային առևտրով զբաղվող փոքր ու միջին բիզնեսի զարգացման համար։

Շնորհավորում եմ կողմերին և հաջողություններ մաղթում»,- գրել է նախարարը ֆեյբուքյան իր էջում։