Վիրահայոց թեմի հոգևոր հովիվ Տեր Կիրակոսը առաջին կարգի բացասական արյան կարիք ունի

Վրաստանի հայերը սոցիալական ցանցերում օգնության կոչ են տարածում օրեր առաջ ավտովթարի ենթարկված Վիրահայոց թեմի հոգևոր հովիվ Տեր Կիրակոս քահանա Սիմոնյանի կյանքը փրկելու համար։

Aliq.ge-ի փոխանցմամբ, քահանան կոմայի մեջ է, վթարի հետևանքով ստացել է մարմնական լուրջ վնասվածքներ և առաջին կարգի բացասական արյան կարիք ունի։

Վիրահայերը արյան դոնոր դառնալու կոչ են անում բոլոր նրանց, ովքեր հիվանդացած չեն եղել հեպատիտով ու բավարար առողջ են:

Հիշեցնենք՝ սեպտեմբերի 4-ին Մայր Աթոռի տեղեկատվական համակարգի ղեկավար Տեր Վահրամ քահանա Մելիքյանը հայտնել էր, որ Վիրահայոց թեմի հոգևոր հովիվ Արժանապատիվ Տ. Կիրակոս քահանա Սիմոնյանը ավտովթարի հետևանքով մարմնական լուրջ վնասվածքներ է ստացել։ Նա խնդրել էր աղոթել հոգևորականի համար։