Онлайн
Այսօր՝ սեպտեմբերի 3-ին, Երևանի ժամանակով երեկոյան 5-ին, Երևան-Սկոպյե (Հյուսիսային Մակենդոնիա) առաջին չարտերային թռիչքն է իրականացրել My Way Airlines ավիաընկերությունը:
Ավիաընկերությունից տեղեկացնում են, որ չվերթի առաջին ուղևորները Հայաստանի ազգային հավաքականի խաղացողներն են եղել, ովքեր Սկոպյեյում ընկերական հանդիպում են ունենալու Մակեդոնիայի ֆուտբոլի ազգային հավաքականի հետ:
May Way Airlines-ը հայ մարզիկներին հաջողություն և հետագա հաղթանակներ է մաղթում:
Նշենք՝ ՈՒԵՖԱ Ազգերի Լիգայի C լիգայի երկրորդ խմբի առաջին տուրի Հյուսիսային Մակեդոնիա -Հայաստան հանդիպումը կկայանա սեպտեմբերի 5-ին:
Հայաստանի ֆուտբոլի ֆեդերացիայի պաշտոնական կայքից տեղեկանում ենք, որ Հայաստանի ազգային հավաքականը Հյուսիսային Մակեդոնիա է մեկնել հետևյալ կազմով.
Դարպասապահներ
Դավիթ Յուրչենկո – «Շախտյոր» (Կարագանդա, Ղազախստան)
Անատոլի Այվազով – «Ուրարտու»
Արսեն Բեգլարյան – «Ուրարտու»
Պաշտպաններ
Հովհաննես Համբարձումյան – «Անորտոսիս» (Կիպրոս)
Կամո Հովհաննիսյան – «Կայրաթ» (Ղազախստան)
Արման Հովհաննիսյան – «Տոբոլ» (Ղազախստան)
Վարազդատ Հարոյան – «Ուրալ» (Ռուսաստան)
Անդրե Չալըշըր – «Գյոթեբորգ» (Շվեդիա)
Սերոբ Գրիգորյան – «Փյունիկ»
Հայկ Իշխանյան – «Գանձասար-Կապան»
Տարոն Ոսկանյան – «Ալաշկերտ»
Կիսապաշտպաններ
Էդգար Բաբայան – «Հոբրո» (Դանիա)
Արշակ Կորյան – «Խիմկի» (Ռուսաստան)
Խորեն Բայրամյան – «Ռոստով» (Ռուսաստան)
Գեղամ Ղադիմյան – «Նեման» (Բելառուս)
Տիգրան Բարսեղյան – «Աստանա» (Ղազախստան)
Վահան Բիչախչյան - «Ժիլինա» (Սլովակիա)
Արտակ Գրիգորյան – «Ալաշկերտ»
Անգուլո Վբեյմար – «Գանձասար-Կապան»
Արթուր Գրիգորյան – «Փյունիկ»
Սոլոմոն Ուդո – «Շիրակ»
Հարձակվողներ
Ալեքսանդր Կարապետյան - «Տամբով» (Ռուսաստան)
Նորբերտո Բրիասկո Բալեկյան - «Ատլետիկո Ուրական» (Արգենտինա):
Հավելենք, որ չինական Hualing Group ընկերության կողմից հիմնադրված վրացական My Way Airlines ավիաընկերությունն առաջին չվերթն իրականացրել է 2018 թվականի ապրիլի 1-ին՝ ուղևորներին տեղափոխելով Թբիլիսիից Թեհրան:
Ավիաընկերության ֆեյսբուքյան էջից տեղեկանում ենք, որ ընկերությանը Օդային օպերատորի վկայագիր (AOC) և շահագործման լիցենզիա (OL) է շնորհվել 2018-ի սկզբին:
Պատրաստեց՝ Լիաննա Մարգարյանը
