Արհեստական բանականությամբ զբաղվող հայկական ընկերությունը 5 մլն դոլարի ներդրում է ստացել - RadioVan.fm

Онлайн

Արհեստական բանականությամբ զբաղվող հայկական ընկերությունը 5 մլն դոլարի ներդրում է ստացել

2020-08-06 17:32 , Наука, HiTech, 177

Արհեստական բանականությամբ զբաղվող հայկական ընկերությունը 5 մլն դոլարի ներդրում է ստացել

Արհեստական բանականությամբ զբաղվող հայկական «Կրիսպ» (Krisp) ընկերությունը 5 մլն դոլարի ներդրում է ստացել: Լուրը հայտնում է ՀՀ բարձր տեխնոլոգիական արդյունաբերության նախարար Հակոբ Արշակյանը։

Ի՞նչ է սա նշանակում․ ընկերության համահիմնադիր Արտավազդ Մինասյանը հայտնում է․

-գիտական հենքով նոր տեխնոլոգիաների և պրոդուկտների ստեղծում Հայաստանում,

-մարկետինգի և վաճառնքերի վրա գերկենտրոնացում․ նպատակը հաջորդ մեկ տարում վճարող օգտագործողների քանակը հնգապատկելն է,

-թիմի ընդլայնում 30 պրոֆեսիոնալներով, որոնք նոր գիտելիք, փորձառություն և շունչ կբերեն մեր ընկերությանը։

-ընկերության նպատակներից մեկը մնում է հաջորդ մի քանի տարում դառնալ առնվազն մեկ միլիարդ գնահատվող ստարտափ։

Նշենք՝ «Կրիսպ» ծրագիրը հնարավորություն է տալիս փոխանցել ձայնն առանց շրջապատի աղմուկի։ Այն մեծ պահանջարկ ունեցավ հատկապես այս ընթացքում՝ Covid-19 համավարակի օրերին, երբ աշխատանքը հաճախ կազմակերպվում է հեռավար։

Հաշվի առնելով, որ Հայաստանում հարյուր հազարավոր մարդիկ իրենց դասերը և աշխատանքը անում են հեռավար՝ օգտվելով վիդեո կոնֆերանսների հավելվածներից ընկերությունը հայտարարել է, որ բոլոր հայաստանցիների համար իրենց հավելվածի վճարովի տարբերակը 6 ամսով դարձրել է անվճար, ինչը թույլ է տալիս օգտվել առանց աղմուկի արդյունավետ վիդեո զանգեր անելու հնարավորությունից։

«Կրիսպը 1 տարվա ընթացքում 0֊ից 600 կորպորատիվ բաժանորդ ձեռք բերեց` տարեկան շրջանառության $0֊ից հասնելով $4,000,000֊ի։

Սա կոչվում է տիեզերական հրթիռային արագություն։

Ավելի վաղ Ֆորբս֊ը գրել էր, որ Կրիսպը 2020 թվականի 50 ամենախոստումնալից արհեստական բանականությամբ զբաղվող ընկերություններից է։

Հաջողություններ եմ մաղթում Կրիսպին»,-ֆեյսբուքյան իր էջում գրել է նախարար Արշակյանը։

Պատրաստեց՝ Լիաննա Մարգարյանը

Лента

Рекомендуем посмотреть