Онлайн
«Հարավկովկասյան երկաթուղի» (ՀԿԵ) ընկերությունը գյումրեցիներին կոչ է անում կենցաղային աղբը չթափել Գորգոբա գետակի հունը։
Ընկերությունից նշում են, որ հունիսին ընթացած հորդառատ անձրևներն ու երկաթուղային գծերի տակ անցնող թունելում աղբի կուտակումը քաղաքի կայարանամերձ հրապարակի և երկաթուղային գծերի հեղեղման պատճառ էին հանդիսացել և, որ Գյումրու գծային-կայարանային միության ուժերով՝ Գյումրու քաղաքապետարանի հետ համագործակցությամբ, Գորգոբա գետակի հունը մաքրվել է:
«Այս ջրանցքն անցնում է քաղաքի տարածքով, և բնակիչներն այստեղ են նետում կենցաղային թափոնները, ինչը 17 մետր երկարությամբ երկաթուղային հատվածի տակ անցնող թունելի խցանում է առաջացրել:
Մաքրման աշխատանքների ընթացքում կիրառված ինժեներական լուծումների շնորհիվ թունելից հանվել են մի քանի տասնյակ տոննա կենցաղային թափոններ և տիղմ, իսկ թունելի մուտքն կահավորվեց աղբահավաք հատուկ կոնստրուկցիաներով»,-ընդգծում են «Հարավկովկասյան երկաթուղի»-ներից՝ գյումրեցիներին հորդորելով կենցաղային աղբը չգցել Գորգոբա գետակի հունը և պահպանել սանիտարական նորմերը:
