Онлайн
Կորոնավիրուսային հիվանդության 3 նոր դեպք է հաստատվել հայկական երկրորդ հանրապետությունում։
Արցախի առողջապահության նախարարությունից հայտնում են, որ վարակակիրներից 2-ը Ստեփանակերտ քաղաքից են՝ նախկինում հաստատված օջախների կոնտակտավորներ, 1-ն էլ Ասկերանի շրջանի Այգեստան համայնքից:
Միաժամանակ նշվում է, որ կորոնավիրուսով հիվանդ 5 քաղաքացի ապաքինվել է, 9-ի առողջական վիճակը գնահատվում է ծանր, 10-ինը՝ միջին ծանրության:
Արցախում առ այսօր COVID-19-ը ախտորոշվել է 215 մարդու մոտ, որից 153-ը հաղթահարել է հիվանդությունը, մահվան ելքեր չեն արձանագրվել։
Փաստացի բուժում է ստանում 61, ընդհանուր մեկուսացված է 128 քաղաքացի: Թեստավորումների նպատակով 83 նմուշառում է իրականացվել: Մինչ այսօր իրականացվել է 4 774 փորձանմուշի հետազոտություն:
