Հակառակորդը արկեր է արձակել Չինարիի ուղղությամբ, տուժածներ չկան. ՊՆ խոսնակ

«Ադրբեջանական զինված ուժերը 82մմ տրամաչափի ականանետից յոթ արկ են արձակել Չինարի բնակավայրի ուղղությամբ։ Տուժածներ չկան, վնասվել է բնակելի տներից մեկի տանիքը։

ԹԱՐՄԱՑՎԱԾ- Քիչ առաջ ադրբեջանական զինված ուժերը 120մմ տրամաչափի ականանետից երեք արկ են արձակել Չինարի բնակավայրի ուղղությամբ։ Արկերից մեկը ընկել է տան վրա, երկուսը՝ բակում։ Տուժածներ չկան»,-այդ մասին ֆեյսբուքյան իր էջում գրառում է կատարել ՀՀ պաշտպանության նախարարության (ՊՆ) մամուլի խոսնակ Շուշան Ստեփանյանը:

Նշենք՝ ժամեր առաջ ռազմական գերատեսչության մամուլի խոսնակը տեղեկացրել էր, որ այդ պահին հակառակորդի կողմից հայ-ադրբեջանական սահմանին հրետակոծություններն ու հարվածային ԱԹՍ-ի կիրառման պարբերականությունը նվազել է:

Պատրաստեց՝ Լիաննա Մարգարյանը