Արցախում կորոնավիրուսի 4 նոր դեպք է արձանագրվել. ընդհանուր թիվը 146 է - RadioVan.fm

Онлайн

Արցախում կորոնավիրուսի 4 նոր դեպք է արձանագրվել. ընդհանուր թիվը 146 է

2020-07-10 14:30 , Общество, 160

Արցախում կորոնավիրուսի 4 նոր դեպք է արձանագրվել. ընդհանուր թիվը 146 է

Կորոնավիրուսային վարակի մեկական օջախ է հայտնաբերվել Ստեփանակերտում և Մարտակերտում՝ յուրաքանչյուրում մեկ դեպքի հաստատմամբ: Արցախի առողջապահության նախարարության հաղորդմամբ՝ ևս 2 նոր դեպք գրանցվել է Ստեփանակերտի նախկինում հաստատված օջախի կոնտակտավորների մոտ:

Միաժամանակ, կորոնավիրուսով հիվանդ 3 քաղաքացի առողջացել և թողել է մեկուսացման վայրը:

Ընդհանուր առմամբ, հայկական երկրորդ հանրապետությունում առ այսօր կորոնավարակի 146 դեպք է արձանագրվել, որից 116-ը ապաքինված, մահվան ելքեր չեն արձանագրվել։

Արցախում այս պահին մեկուսացված է 77, հիվանդությունը փաստացի հաղթահարում է 30 քաղաքացի:

Նշվում է, որ հիվանդներից մեկի առողջական վիճակը գնահատվում է ծանր, ևս մեկ հիվանդի վիճակը՝ միջին ծանրության: COVID-19 ախտորոշմամբ մյուս վարակակիրների առողջական վիճակը բավարար է: Ընդհանուր առմամբ կատարվել է 2522 թեստավորում:

Лента

Рекомендуем посмотреть