Онлайн
ՀՀ առողջապահության նախարարությունը հրապարակել է COVID-19-ի հետազոտություններ իրականացնող լաբորատորիաների ցանկը:
Տեղեկացվում է, որ առողջապահության նախարարության 2020 թվականի մայիսի 13-ի թիվ 04-Ց, 2020 թվականի հունիսի 11-ի թիվ 05-Ց և 2020 թվականի հունիսի 19-ի թիվ 07-Ց ցուցումների համաձայն, որ կորոնավիրուսային հիվանդության (COVID-19) նկատմամբ լաբորատոր հետազոտություններն իրականացվում են ՀՀ հետևյալ լաբորատորիաներում`
• «Հիվանդությունների վերահսկման և կանխարգելման ազգային կենտրոն» ՊՈԱԿ
• «ՁԻԱՀ-ի կանխարգելման հանրապետական կենտրոն» ՊՈԱԿ
• «Նորք» ինֆեկցիոն կլինիկական հիվանդանոց ՓԲԸ
• «Նատալի ֆարմ» ՍՊԸ («Աստղիկ» բժշկական կենտրոն):
Վճարովի հետազոտություններ իրականացնող լաբորատորիաներ են`
• «Պրոմ-Տեստ» ՍՊԸ
• «Գիսանե» ՍՊԸ («Դավիդյանց լաբորատորիաներ»)
• «Էկոսենս» ՍՊԸ
Նշենք՝ հունիսի 3-ից ՀՀ պարետ Տիգրան Ավինյանի որոշմամբ՝ Հայաստանի ողջ տարածքում արգելված է կորոնավիրուսային հիվանդության (COVID-19) ախտորոշման նպատակով Պոլիմերազային շղթայական ռեակցիայի (ՊՇՌ) մեթոդով լաբորատոր հետազոտությունների իրականացումն այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության/կենսապահովության պատշաճ համակարգ:
Պատրաստեց՝ Լիաննա Մարգարյանը
