Онлайн
Այսօր ՀՀ վարչապետ Նիկոլ Փաշինյանի ծննդյան օրն է, որի առթիվ նրան շնորհավորական ուղերձներ են հղելՌուսաստանի Դաշնության նախագահ Վլադիմիր Պուտինը, վարչապետ Միխայիլ Միշուստինը:
«Հարգելի Նիկոլ Վովայի,
ընդունեք անկեղծ շնորհավորանքներս Ձեր ծննդյան 45-ամյակի առթիվ:
Բարձր եմ գնահատում մեր միջև հաստատված կառուցողական երկխոսությունը: Կցանկանայի հաստատել սերտ համատեղ աշխատանքը շարունակելու պատրաստակամությունը՝ ռուս-հայկական դաշնակցային հարաբերությունների, ինչպես նաև ԵԱՏՄ-ի, ՀԱՊԿ-ի և ԱՊՀ-ի շրջանակներում գործընկերության ամրապնդման ուղղությամբ:
Անկեղծորեն մաղթում եմ Ձեզ քաջառողջություն, երջանկություն, բարգավաճում և հաջողություններ պետական գործունեության մեջ»,-ասված է Վլադիմիր Պուտինի ուղերձում:
«Կցանկանայի առանձնահատուկ ընդգծել այն մշտական ուշադրությունը, որը Դուք ցուցաբերում եք ռուս-հայկական բարեկամական, գործընկերային և դաշնակցային հարաբերությունների ամրապնդման ուղղությամբ: Կառավարության գծով ընդունվում են արդյունավետ որոշումներ, որոնք ուղղված են առևտրի, տնտեսական և ներդրումային ոլորտներում համագործակցության զարգացմանը, ստեղծվում են պայմաններ գիտատեխնիկական, հումանիտար և այլ բնագավառներում նոր համատեղ նախագծերի իրականացման համար:
Կարևոր նշանակություն ունի նաև Ռուսաստանի և Հայաստանի սերտ համագործակցությունը Եվրասիական տնտեսական միության շրջանակում: Համոզված եմ, որ համատեղ ջանքերով մենք կկարողանանք լիովին բացահայտել տնտեսական ինտեգրման մեծ ներուժը»,- Ռուսաստանի Դաշնության կառավարության և անձամբ իր անունից Փաշինյանին հղած շնորհավորական ուղերձում նշել է Միշուստինը:
Հիշեցնենք՝ վարչապետ Նիկոլ Փաշինյանն ընտանիքի անդամների հետ վարակված են կորոնավիրուսով: Այդ մասին նա հայտնեց այսօր առավոտյան ֆեյսբուքյան ուղիղ եթերում՝ նշելով, որ թեստավորման արդյունքները դրական են եղել:
