Ամերիկայի միացյալ նախանգների (ԱՄՆ) նախագահ Դոնալդ Թրամփն իր ամբողջ աշխատավարձը, որը տարեկան կազմում է 400-450 հազար դոլար, փոխանցում է կորոնավիրուսի դեմ պայքարին։
Այս մասին թվիթերյան միկրոբլոգում գրել է Սպիտակ տան ղեկավարը։
«Ես տալիս եմ, և ի սկզբանե տվել եմ, իմ ամբողջ աշխատավարձը` տարեկան 400-ից 450 հազար դոլար` կառավարությանը: Դա մեծ պատիվ է»,-մասնավորապես գրել է Թրամփը։
Նշվում է նաև, որ Թրամփն իր առաջին եռամսյակի 100 հազար դոլարը փոխանցել է կորոնավիրուսի դեմ պայքարի համար դեղերի մշակմանը:
I give, and have given from the beginning, my entire yearly salary, $400,000 to $450,000, back to our government. Last check to HHS Covid relief. My great honor! https://t.co/Vv6Uyz9MkF
— Donald J. Trump (@realDonaldTrump) May 25, 2020
Նշենք՝ worldometers միջազգային պորտալի տվյալների համաձայն՝ ԱՄՆ-ում այս պահը կորոնավիրուսային հիվանդության հաստատված դեպքերի թիվը 1 մլն 686 հազար 807 է, հիվանդությունից մահացել է 99 հազար 311 մարդ, երկրում ապաքինվածների թիվը 451 հազար 745 է։