Онлайн
Քաղավիացիայի կոմիտեի նախագահ Տաթևիկ Ռևազյանի մասին` Արտյոմ Խաչատուրյանի (նա հանդիսանում է shame.am կայքի խմբագիրը) ֆեյսբուքյան գրառման առնչությամբ ՀՀ Ազգային ժողովի «Իմ քայլը» խմբակցության պատգամավոր Սոֆյա Հովսեփյանը դիմել է ՀՀ ոստիկանություն:
Այդ մասին պատգամավորը տեեկացնում է ֆեյսբուքյան գրառմամբ՝ հրապարակելով նաև դիմումը։
Նշենք երեկ՝ ֆեյսբուքյան օգտատեր Արտյոմ Խաչատրյանը կատարած գրառմամբ Տաթևիկ Ռևազյանի և նրա նորածին դստեր հասցեին վիրավորանքներ է հնչեցնել, անպարկեշտ արտահայտություններ արել։ Մարդու իրավունքների պաշտպանը դատապարտել է օգտատիրոջ գրառումը՝ այն որակելով ատելության խոսք։
«Այդպիսի արատավոր երևույթներն ուղղակի պետք է ի սպառ բացառվեն, որոնք, ցավոք, ստանում են լայն տարածում ու դա առաջացնում է վտանգավոր հետևանքներ, դա բազմապատկում է վիրավորանքն ու ատելությունը»,-նշված է Պաշտպանի աշխատակազմի տարածած հայտարարությունում։
Նախօրեին փաստի առնչությամբ հանցագործության մասին հաղորդում էր ներկայացրել Հանրային խորհրդի նախագահ Ստյոպա Սաֆարյանը՝ պատկան մարմիններից ակնկալելով ամենասեղմ ժամկտներում քրեական գործի հարուցում։
