Համախմբվել մեկ գաղափարի շուրջ. հայկական երաժշտարվեստի ներկայացուցիչները երգով շնորհակալություն են հայտնում բուժաշխատողներին

Հայկական էստրադայի մի շարք ներկայացուցիչներ համախմբվել են մեկ գաղափարի շուրջ՝ ներկայացնելով հանրահայտ «We are the World» երգի քավր տարբերակը: Երաժիշտներն այդպիսով շնորհակալություն են հայտնում բուժաշխատողներին, որոնք պայքարում են մարդկային կյանքեր փրկելու համար:

Երգի հիման վրա նկարահանված տեսահոլովակն արդեն հասանելի է համացանցում:

Նախագծում ընդգրկված են Գարիկ Պապոյանը, Սոնա Ռուբենյանը, Արամ MP3-ը, Գոռ Սուջյանը, «Kami Friends Project»-ը, Անուշիկ Ալավերդյանը և այլք:

Նախաձեռնությունն իրականացրել է «Կամի» երաժշտական ակումբը, պրոդյուսերը Վահագն Գևորգյանն է: