Կորոնավիրուս. ՀՀ-ում հաստատված դեպքերի թիվը վերջին մեկ օրում ավելացել է 11-ով, ապաքինվածներինը՝ 5-ով, մահացել է ևս 1 քաղաքացի

Կորոնավիրուսային հիվանդության հաստատված դեպքերի թիվը Հայաստանում վերջին 24 ժամում ավելացել է 11-ով։ Առողջապահության նախարարության Հիվանդությունների վերահսկման և կանխարգելման կենտրոնի հրապարակած տվյալների համաձայն՝ հանրապետությունում հաստատված դեպքերի թիվը այսօր 11։00-ի դրությամբ 833 է։

Ապաքինվածների թիվը նախօրեի 57-ի դիմաց ավելացել է 5-ով՝ հասնելով 62-ի:

Մահվան դեպքերը ավելացել են 1-ով՝ ընդհանուր թվով դառնալով 8-ը:

Թեստերից 4096-ը բացասական արդյունք է տվել: Այս պահին փաստացի բուժում է ստանում 763 պացիենտ: