Կորոնավիրուս․ ՀՀ-ում հաստատված դեպքերի թիվը 770 է, 43-ը բուժվել են, կա 7 մահ

Կորոնավիրուսային հիվանդության հաստատված դեպքերի թիվը Հայաստանում վերջին 24 ժամում ավելացել է 34-ով։ Առողջապահության նախարարության Հիվանդությունների վերահսկման և կանխարգելման կենտրոնի հրապարակած տվյալների համաձայն՝ հանրապետությունում հաստատված դեպքերի թիվը այսօր 11։00-ի դրությամբ 770 է։

Առողջացածների թիվն անփոփոխ է՝ 43, հիվանդությունից մահվան ելքերի թիվը 7-ն է, բոլոր պացիենտներն, ըստ պաշտոնական հողորդագրությունների, ունեցել են ուղեկցող քրոնիկ հիվանդություններ: