100 հազար դրամի աջակցություն կտրամադրվի չաշխատող այն հղի կանանց, որոնց ամուսիները կորոնավիրուսի տարածման օրերին ազատվել են աշխատանքից

ՀՀ կառավարությունն օժանդակություն կտրամադրի կորոնավիրուսի տարածման հետևանքով աշխատանքի շուկայում գոյացած դժվարությունների արդյունքում սոցիալական խնդիրների առջև կանգնած հղի կանանց:

Գործադիրն այսօր հաստատել է Կորոնավիրուսի տնտեսական հետևանքների չեզոքացման յոթերորդ միջոցառման նախագիծը:

Նախագծի համաձայն՝ միջոցառման շահառու է հանդիսանում հղի կինը, ով մարտի 30-ի դրությամբ չունի աշխատանք և ում ամուսինն ազատվել է աշխատանքիցմարտի 13-ից մինչև մարտի 30-ը ընկած ժամանակահատվածում և չի անցել մեկ այլ աշխատանքի նույն ժամանակահատվածում:

Ըստ որոշման, 100 հազար դրամի չափով աջակցությունը հղի կնոջը կտրամադրվի նպաստի ձևով։