Նոր տիպի կորոնավիրուսային վարակից (COVID-2019) 75 տարեկանում մահացել է Ֆրանսիայում հայազգի քաղաքական գործիչ Պատրիկ Դևեջյանը։
«Վիշտն անսահման է:
Խորապես ֆրանսիացի և միևնույն ժամանակ իր արմատներին մշտապես հավատարիմ Պատրիկ Դևեջյանը հայ-ֆրանսիական բարեկամության մեծ դերակատար և խորհրդանիշ էր: Նա իր ողջ կյանքը նվիրել է հայ դատի պաշտպանությանը, հսկայական ներդրում ունեցել Ֆրանսիայում Հայոց Ցեղասպանության ճանաչմանը»,-Twitter-ում գրել է Ֆրանսիայում ՀՀ դեսպան Հասմիկ Տոլմաջյանը՝ անկեղծ ցավակցություններ հայտնելով Դևեջյանի տիկնոջը՝ Սոֆիին, որդիներին, հարազատներին, ընկերներին:
Le chagrin est immense. Profondément Français et toujours fidèle à ses origines, Patrick #Devedjian incarnait l’intégration exemplaire des Arméniens de France.
Il fut un fervent avocat de la cause arménienne, un grand acteur de l’amitié entre la #France et l’#Arménie. pic.twitter.com/jgfGON2tIu
— Hasmik Tolmajian (@tolmajian) March 29, 2020
Դևեջյանի մահվան բոթին արձագանքել է ՀՀ վարչապետ Նիկոլ Փաշինյանը։
«Ցնցված եմ ֆրանսահայ ականավոր գործիչ, Ֆրանսիայի Օ-դե-Սեն դեպարտամենտի Գլխավոր խորհրդի նախագահ, պաշտոնաթող նախարար Պատրիկ Դեւեջյանի մահվան բոթից: Սա ծանր հարված է ֆրանսահայությանը, հայ ժողովրդին, Ֆրանսիային»,-ֆեյսբուքյան իր էջում գրել է Նիկոլ Փաշինյանը։
Պատրիկ Դևեջյանը ծնվել էր 1944թ. օգոստոսի 26-ին։ Ակտիվ ներգրավվածություն ունենալով Ֆրանսիայի քաղաքական կյանքում՝ նա 2002 թվականին նշանակվել է տեղական ինքնակառավարման հարցերի նախարար, 2004 թվականին զբաղեցրել է Ֆրանսիայի արդյունաբերության նախարարի պորտֆելը։
Օրեր առաջ Twitter-յան գրառմամբ Դևեջյանը տեղեկացրել էր, որ վարակված է կորոնավիրուսով։
«Համաճարակը ինձ էլ է խոցել։ Այնպես որ՝ կարող եմ վկայել բուժանձնակազմի բացառիկ աշխատանքի մասին։ Հոգնած, սակայն նրանց շնորհիվ կայունացած, խորնարհվում եմ նրանց առաջ և իմ խորին շնորհակալությունն եմ հայտնում բոլոր հիվանդներին ցուցաբերած մշտական օգնության համար»,-գրել էր նա։
Je suis touché par l'épidémie, donc à même de témoigner directement du travail exceptionnel des médecins et de tous les personnels soignants. Fatigué mais stabilisé grâce à eux, je remonte la pente et leur adresse un très grand merci pour leur aide constante à tous les malades.
— Patrick Devedjian (@DevedjianP) March 26, 2020